I liami inghjò vi permettenu di scaricà versioni sfarente d’OmegaT. S’è vo avete dubbitu apprupositu di a versione à scaricà, pudete impiegà u Selettore di scaricamentu.
Cù sta versione, l’installazione hè fatta da l’utilizatore ; ghjè quella di l’utilizatori avvezzi d’OmegaT. In casu di dubbitu, selezziunate sta versione.
Sta versione hè di tipu « Installà è scurdassi ».
Qualità : installazione autumatica di i rinnovi nant’à l’urdinatore dopu u lanciu di l’appiecazione.
Difficultà : oghje, sta versione ùn pò micca esse impiegata cù i moduli d’estensione rendendu certi funzioni micca dispunibule.
Per l’installazioni nant’à i sistemi Windows.
Per l’installazioni nant’à i sistemi Mac OS X.
Per l’installazioni nant’à i sistemi Linux.
Per l’installazioni nant’à d’altri sistemi (cum’è FreeBSD è Solaris).
OmegaT pò esse installatu nant’à tuttu sistema d’operazione ch’impiega omancu a versione 1.8 di l’ambiente d’esecuzione Java.
A versione « autonoma » d’OmegaT, pruvista cù u so propiu ambiente d’esecuzione Java. U so scaricamentu serà più longu è a so installazione richiiderà più di spaziu nant’à u vostru discu duru, ma hè sicura di funziunà. In casu di dubbitu, sciglite st’ozzione.
L’ambiente JRE pruvistu hè a versione 64-bit.
A versione « autonoma » d’OmegaT, pruvista cù u so propiu ambiente d’esecuzione Java. U so scaricamentu serà più longu è a so installazione richiiderà più di spaziu nant’à u vostru discu duru, ma hè sicura di funziunà. In casu di dubbitu, sciglite st’ozzione.
Sciglite st’ozzione s’è un ambiente d’esecuzione Java apprupriatu hè dighjà installatu nant’à l’urdinatore à u livellu di u sistema.
A versione « Classica » d’OmegaT hè pruvista cù una documentazione sana (omancu in inglese) è hè stata pruvata è verificata per caccià i penseri. Ghjè a versione ricumandata per i principianti.
A versione « Ultima » nant’à u situ di scaricamentu hè a più recente d’OmegaT. À stu livellu di sviluppu, sta versione pò cuntene certi penseri è a so documentazione hè forse incumpleta. Da bona regula, e versioni « Ultima » sò stabile ma sò fatte soprattuttu per l’utilizatori più esperti.
OmegaT pò esse lanciatu nant’à tuttu sistema chì cuntene l’ambiente d’esecuzione Java (JRE) appostu. Oghje chì u JRE hè pruvistu cù OmegaT, ùn hè più bisognu di scaricalu staccatamente. L’installazione hè stata riisciuta nant’à tutte e piattaforme Windows (da a versione 98 fin’à oghje), OS X Macintosh è Linux.
I schedarii Microsoft Office à u furmatu XML ponu esse tradutti direttamente cù OmegaT. Invece chì quelli in un furmatu più vechju di MS Word, Excel o Powerpoint devenu esse cunvertiti, in primu locu, in i furmati equivalenti d’OpenOffice.org, d’Apache OpenOffice o di LibreOffice (seguiti di prugrammi di scagnu, libere è di rigalu). Pudete ottene OpenOffice.org o LibreOffice seguitendu a leia pruvista in a parte « Prugrammi terzi » di a pagina « Risorse ».
Bench’è l’installazione è l’adopru d’OmegaT ùn fussinu micca difficiule, ellu hè assai ricumandatu di leghje a documentazione distribuita è di seguità l’istruzzioni pruviste. S’è, da bona regula, ùn lighjite micca l’istruzzioni, è chì vi scuprite un novu prugramma clicchendu dapertuttu, è aspettendu ch’accade qualcosa chì s’assumiglia à l’effettu ricercatu, tandu OmegaT ùn hè micca fattu per voi.
A versione classica richiesta a versione 8 di Java. Ghjè a versione impiegata di solitu perchè hà fattu e so prove dapoi un pezzu ma ùn cuntene micca e nove funzioni di l’ultima versione. A documentazione pruvista hè assai cumpleta, omancu in inglese.
| Piattaforma | Istruzzione detagliate | |
|---|---|---|
| Windows cù JRE | Scaricà | |
| Windows cù JRE 64-bit | Scaricà | |
| Windows senza JRE | Scaricà | |
| macOS nutariatu | Scaricà | |
| macOS senza firma | Scaricà | |
| Linux cù JRE 64-bit | Scaricà | |
| Linux cù JRE | Scaricà | |
| Multi-piattaforma senza JRE | Scaricà | |
| Codice di fonte | Scaricà |
L’ultima versione richiesta a versione 8 di Java. Ghjè una versione più recente chì a versione classica è chì cuntene nove funzioni. Da bona regula, hè stabile ma pò dinù cuntene qualchì penseru. A so documentazione hè menu detagliata, soprattuttu l’infurmazioni nant’à e nove funzioni. L’utilizatori chì sò avvezzi à OmegaT preferiscenu aspessu l’ultima versione.
| Piattaforma | Istruzzione detagliate | |
|---|---|---|
| Windows cù JRE | Scaricà | |
| Windows cù JRE 64-bit | Scaricà | |
| Windows senza JRE | Scaricà | |
| macOS nutariatu | Scaricà | |
| macOS senza firma | Scaricà | |
| Linux cù JRE 64-bit | Scaricà | |
| Multi-piattaforma senza JRE | Scaricà | |
| Codice di fonte | Scaricà |
A versione « Master » hè una versione « alfa » sempre in sviluppu. I binarii di custruzzione sò dispunibule cum’è « Nightly Builds ».
| Piattaforma | Istruzzione detagliate | |
|---|---|---|
| Master | Scaricà | |
| Nightly Builds | Scaricà |
Pudete sempre scaricà d’anziane versioni d’OmegaT.
E versioni anziane sò vechje versioni chì sò state rimpiazzate. Per a maiò parte di a ghjente, anu pocu interessu. Sarrimanenti, in certi casi, ste versioni anziane ponu esse ghjuvevule quandu ci sò ristrizzioni imposte da u sistema d’operazione o da a versione Java.
Per pudè funziunà, OmegaT richiede chì l’ambiente d’esecuzione Java (JRE) sia installatu nant’à u vostru urdinatore.
S’è vo site sicuru(a) chì una versione apprupriata di l’ambiente JRE hè dighjà installata nant’à u vostru urdinatore, pudete scaricà una versione d’OmegaT senza JRE. U so scaricamentu serà più rapidu è a so installazione richiiderà menù di spaziu nant’à u vostru discu duru. In stu casu, ùn selezziunate micca a versione predefinita ma preferite piuttostu una versione « Classica » o « Ultima » eppò selezziunate una versione cù a menzione « Java not included » o « without JRE ».
S’è vo devite installà a versione d’OmegaT cù l’ambiente JRE quandu u JRE hè dighjà installatu, ùn ci seria micca cunflittu perchè e duie installazioni sò distinte. Dunque, l’installazione d’OmegaT cù u JRE hè a metoda a più sicura. S’è ùn site micca sicuru(a) d’avè una versione apprupriata di u JRE, selezziunate a versione d’OmegaT cù JRE (o a versione predefinita).
Nota per l’utilizatori Linux : a maiò parte di e distribuzioni Linux sò pruviste cù un ambiente d’esecuzione Java ma certe messe in opera « Open Source » ùn funziuneghjanu micca currettamente cù OmegaT, penseru chì ùn si vede micca subitu subitu. Ricumandemu à i principianti Linux di sceglie una versione d’OmegaT cù JRE. L’utilizatori più tercani puderanu preferisce una installazione di u JRE d’Oracle (Sun tempi fà) à u livellu di u sistema.